Larraul, Gipuzkoako lehen landa energia-komunitatea

Gipuzkoako Foru Aldundiko Ingurumen Departamentuak bultzatutako ekimen horren helburua da lurraldearen mendekotasun energetikoa murriztea, berriztagarrien erabilera sustatzea eta autokontsumoa bultzatzea.

José Ignacio Asensio: "Trantsizio energetikoa ekonomia deskarbonizatu eta lehiakor baterantz aldatzeko palanka nagusia da, eta, horretarako, administrazioen zeregina funtsezkoa da trantsizio energetikoa bizkortzeko eta sistema energetikoaren erdigunean rol aktiboa duten pertsonak ahalduntzeko eredu bat eraikitzeko".

Maite Arana: "Ekimen hau aukera ona da udalerriko herritarrentzat; izan ere, partekatutako autokontsumo-erregimenari esker faktura elektrikoa merkatzeaz gain, Larraulen energia jasangarriaren kontsumoa ziurtatzen dute".

Ingurumeneko diputatu José Ignacio Asensiok eta Larraulgo alkate Maite Aranak Larraulgo frontoiaren estalkian dagoen plaka fotovoltaikoen instalazioa bisitatu dute. Horrela, Larraul da Gipuzkoako lehenengo landa-komunitate energetikoa, TEK Larraul bezala izendatuta. Gipuzkoako Foru Aldundiko Ingurumen Departamentuak bultzatutako ekimen horri esker, udalerriko 50 etxek energia berriztagarria kontsumitu ahal izango dute eta, horrela, faktura elektrikoa merkatuko dute.

Gaur egun, 90 plaka fotovoltaiko instalatzen ari dira Larrauleko frontoiaren estalkian, 180 m²-ko azaleran. Instalazio horrek 30 kW-eko eguzki-energia izango du, eta energia berdea hornituko die, autokontsumoko erregimenean, instalazioaren 500 m-ko erradioan kokatuta dauden 50 etxeri. Energia-komunitate honetan (TEK Larraul) parte hartuz, argiaren fakturan urtean % 20 aurreztuko du unitate bakoitzak, gutxi gorabehera, eta CO² isuriak 125 tona murriztuko dira.

Ingurumeneko diputatu José Ignacio Asensiok azpimarratu du ekimen hori oso garrantzitsua dela "energia demokratizatzeko eta energia-eredu ekologiko eta bidezko baterako trantsizioa bizkortzeko". Asensiok esan duenez, "trantsizio energetikoa ekonomia deskarbonizatu eta lehiakor baterantz aldatzeko palanka nagusia da, eta, horretarako, administrazioen zeregina funtsezkoa da trantsizio energetikoa bizkortzeko eta sistema energetikoaren erdigunean rol aktiboa duten pertsonak ahalduntzeko eredu bat eraikitzeko".

Bere aldetik, Maite Arana Larraulgo alkateak esan du: "Ekimen hau aukera ona da udalerriko herritarrentzat; izan ere, partekatutako autokontsumo-erregimenari esker faktura elektrikoa merkatzeaz gain, Larraulen energia jasangarriaren kontsumoa ziurtatzen dute".

Testuinguru horretan, tokiko energia-komunitateek eta Larraulgo instalazioak trantsizio energetikorako aldaketaren azeleratzaile gisa jarduten dute. Bultzatzen den eredu berria deskarbonizazioaren kontzeptuan oinarritzen da; izan ere, sorkuntza fosilean eta deszentralizazioan oinarritutako energia progresiboki baztertzea errazten du, garraio-beharrak sortutako ingurumen-inpaktua murriztuz. Zero kilometroko modelo berri honetan, instalazioak kontsumitzailearen 500 metroko erradioan daude. Kontsumitzailearen ahalduntzea da eredu berri honen hirugarren ardatza, eta herritarrek energia berriztagarrien ekoizpenean, erosketan, kontsumoan eta biltegiratzean rol aktiboa izatea sustatzen du.

Proiektu hau lankidetza publiko-pribatuko eredu batean garatzen ari da. Eredu horretan Edinor Albak parte hartzen du, Petronorren % 100 filiala, zeinak deskarbonizazio jarduerak biltzen dituen. Trantsizio energetikoko proiektuen artean baititu hiri-eremuetan Tokiko Energia Komunitateak bultzatu eta garatzea.

Zer da TEK bat?

TEK izeneko eguzki-energiako komunitateek alternatiba jasangarria eta ingurumena errespetatzen duena eskaintzen diete herritarrei energia-kontsumoan. TEKek eguzki-plakak jartzen ditu udalerriko eraikinen estalkietan, bizilagunek eta saltokiek kontsumitzen duten energia elektrikoaren % 25 sortzeko. Gainerako % 75a jatorri berriztagarriko energia batera erosiz osatzen da, eta, horren bidez, merkatuko preziorik izango dituzte parte-hartzaileek.

TEKen parte hartzea erabakitzen duten bizilagunek % 25 arte murriztuko dute beren faktura elektrikoa, hasierako inbertsiorik eta irauteko eskakizunik gabe, eta % 100 energia berriztagarria kontsumituko dute, eta, beraz, atmosferara CO²  tonak isurtzea ekiditen da.

TEK Km 0 energia berriztagarria sortu, kontsumitu eta partekatzeko bide bat da, inguruaren garapena eta kalitatezko enpleguaren sorrera bultzatuz, eguzki-komunitateak tokiko hornitzaileekin instalatu eta kudeatuz.