Lurraldebusak ibilbide berriekin eta ordutegi eta maiztasun hobeekin zabaltzen du Bidasoa eta Oarsoaldea Donostiarekin lotzea, eskualdeetan zerbitzuaren emakida berritzearekin
Lurraldebusak ibilbide berriekin eta ordutegi eta maiztasun hobeekin zabaltzen du Bidasoa eta Oarsoaldea Donostiarekin lotzea, eskualdeetan zerbitzuaren emakida berritzearekin
Lurraldebusak ibilbide berriekin eta ordutegi eta maiztasun hobeekin zabaltzen du Bidasoa eta Oarsoaldea Donostiarekin lotzea, eskualdeetan zerbitzuaren emakida berritzearekin
Mugikortasuneko eta Lurralde Antolaketako foru diputatu Rafaela Romerok eta Mugikortasuneko foru zuzendari Ander Iturrik gaur aurkeztu dute Lurraldebusen Bidasoa eta Oarsoalderako emakida berritzearekin batera ibilbide berriak eta ordutegi eta maiztasun hobeak zabalduko duen proiektua, eta horien artean laburpen taulan agertzen direnak nabarmendu dituzte.
![Concesión Lurraldebus Oarsoaldea Bidasoa](/documents/20933/0/001.jpeg/a6191106-2ae5-f12d-b57e-770a74aa9d85?t=1680087420027)
Rafaela Romero: “Urte hauetan, Mugikortasun Sailean, garraio publikoko sistema bat garatu dugu, erabiltzaileen mugikortasuna aztertzen duena eta haien beharrei lehentasuna ematen diena zerbitzuak diseinatzeko orduan, linea berriak eta maiztasun-hobekuntzak ezarriz. Halaxe izan da, halaber, emakida berritzerakoan Oarsoaldea eta Bidasoako eskualdeetarako Lurraldebusen abian jartzen ditugun hobekuntza ugarietan – ibilbide berriekin eta ordutegi eta maiztasun hobearekin –. Mugikortasun Sailak egun bat ere ez dio lan egiteari utzi, eta, horregatik, zerbitzu berri eta hobe horiek garraio publiko hobea eskainiko diete Donostia, Pasaia, Errenteria, Lezo, Oiartzun, Irun eta Hondarribiko erabiltzaileei. Zerbitzu hobeak dira, etengabeko hobekuntzako azterketa- eta abiarazte-prozesu baten emaitza direnak – eredu malguekin –, eta, horren bidez, aldaketak sartzen dira pixkanaka. Herri horietako herritarrek, besteak beste Gipuzkoako lehen hiru hirietakoek (Donostia, Irun eta Errenteria) konexio berriak eta hobeak izango dituzte, eta maiztasun handiagoa eskualde bakoitzeko linea erabilienetan. Betiere, herritarren beharrari erantzuteko funtsezko printzipioan oinarrituta jardunez, eta inoiz ez alderantziz, kalitatea eskainiz, eta kutsatzen ez duten energiekin”.
LURRALDEBUSEN EMAKIDA – OARSOALDEA BIDASOA |
HOBEKUNTZAK |
BI01 Zuzeneko zerbitzu berria Autopistatik (Irun Donostia), Intxaurrondotik eta Grosetik sarrera erdiguneraino. Horrela, bikoiztu egiten da Bidasoa Behereko eskualdearen eta Donostiaren arteko zuzeneko konexioa, BI01 linea Hondarribia eta Donostia arteko zuzeneko autopistarekin lotzen baita (BI02). |
Amara Miramongo konexio berriak, Bidasoarako (Irun eta Hondarribi) eta Oarsoalderako (Errenteria-Oiartzun-Lezo eta Pasaia) zerbitzuak zabaltzen dituztenak, Amara, Ospitaleak, Onkologiko eta Miramongo teknologia-parkeraino iritsiko direnak. Herri horietako Lurraldebuseko erabiltzaileak osasun-zentro horietara garraio publikoan sar daitezkeela bermatzen da, baita osasun-langileak ere, eta Lurraldebusen bi eskualdeetatik Amara-Miramongo lantokietara iristea. |
Errenteria eta Astigarraga lotzen dituen OR6 (E6) errepidearen bidezko konexio berria, Altza eta Garbera tartean. |
7 minutuko maiztasuna Errenteria eta Pasai Antxo eta Donostia lotzen dituzten zerbitzuetan, eta zerbitzuak 15 minuturo Oiartzundik eta Donibanetik. |
10 minutuko maiztasunak Irun eta Hondarribia arteko zerbitzuetan, Irun eta Hondarribiko herritarren eskaerei erantzuteko; izan ere, bi herri horien arteko mugikortasuna eskatzen da gehien. |
Lanegunetan gaueko zerbitzua ezartzea Irun eta Hondarribia lotzen dituzten lineetan. |
Hondarribitik Antiguora eta unibertsitateetara doazen konexioen zerbitzuak hobetzea; hori ez da eskola-aldietara mugatuko, eta zerbitzuak urte osora zabalduko dira. |
Ander Iturri, Mugikortasuneko zuzendaria: “Emakida bat egin da Oarsoaldeari eta Bidasoari begira, eta beharren arabera lan egin da. Emakida berriak eskualde bakoitzetik ospitaleetara eta Miramonera iristea aurreikusten du, oinarrizko zerbitzuetarako sarbidea eta lan-mugikortasuna hobetuz, jatorrizko herria edozein izanik ere. Lehen aldiz, Pasai San Pedro eta Trintxerpe Oiartzunekin eta Irunekin lotuko dira, Errenterian zehar. Hiri horretatik, Donostiarako norabideko zerbitzuen maiztasuna 7 minutukoa izango da. Hondarribiko lineak Hondarribian bertan kokatuko dira, udalerriari lehentasuna emanez eta aireportuan itxaronaldiak saihestuz. Eta egutegiaren salbuespenak amaitzen dira. Udan ez da linea-aldaketarik izango, eta gaueko zerbitzuetan ere ez, maiztasunak hobetuz homogeneizatzen baitira”.
Mugikortasuneko eta Lurralde Antolaketako diputatuak, Rafaela Romerok, eta Mugikortasuneko foru zuzendariak, Ander Iturrik, Bidasoa-Oarsoaldeko emakida berritzeko aurreikusitako berrikuntzak aurkeztu dituzte.
Emakidak berrikuntza garrantzitsuak ditu, eta 346.000 biztanle dituzten 8 udalerriri ematen die zerbitzua. Udalerri horiek Gipuzkoako biztanleriaren erdia hartzen dute gutxi gorabehera. Era berean, erabiltzaileen kopuruari dagokionez, bigarren emakida da Gipuzkoan, 2022an 8 milioi bidaia baino gehiagorekin, eta lurraldeko biztanle gehien dituzten hiru hiriak lotzen ditu: Donostia, Irun eta Errenteria.
Berrikuntza nagusiak:
- Zuzeneko zerbitzu berri bat autobidetik (Irun Donostia) (BI01), Intxaurrondo eta Grosetik erdiguneraino sarrera duena. Horrela, bikoiztu egiten da Bidasoa Beherearen eta Donostiaren arteko lotura zuzena, BI01 lineak bat egiten baitu Hondarribia eta Donostia arteko (BI02) autobide zuzenarekin.
- Amara-Miramongo konexio berriak, Bidasoako (Irun eta Hondarribia) eta Oarsoaldeko (Errenteria-Oiartzun-Lezo eta Pasaia) zerbitzuak handitzen dituztenak, Amararaino, Ospitaleetara, Onkologikora eta Miramongo parke teknologikora iritsiko direnak. Horrela, herri horietako Lurraldebusen erabiltzaileek osasun-zentro horietara garraio publikoan joateko aukera izango dute, baita osasun-langileak ere, eta Lurraldebusekin konektatuko dira bi eskualdeetatik Amara-Miramongo lantokietara.
- Konexio berri bat OR6tik (lehen E6), Errenteria Astigarragarekin lotzen duena, Altzatik eta Garberatik igaroz. Apirilaren 11n jarriko da martxan.
- Maiztasunak 7 minuturo Errenteria Pasai Antxorekin eta Donostiarekin lotzen duten zerbitzuetan, eta zerbitzuak 15 minuturo Oiartzundik eta Donibanetik.
- Irun eta Hondarribia arteko zerbitzuetan maiztasunak 10 minututik behin, herri horietako herritarren beharrei erantzuteko, horietan zentratzen baita gehien eskatzen den mugikortasuna. Ander Iturri Mugikortasuneko zuzendariak ere azaldu du “Hondarribiko lineak Hondarribian bertan amaituko direla, udalerriari lehentasuna emanez eta aireportuan itxarotea saihestuz. Eta egutegiaren salbuespenak amaitzen dira. Udan ez da linea-aldaketarik izango, eta gaueko zerbitzuetan ere ez, maiztasunak hobetuz homogeneizatzen baitira”.
- Irun eta Hondarribia lotzen dituzten lineetan gaueko zerbitzua lanegunetan ezartzea
- Hondarribitik Antiguora eta unibertsitateetara doazen konexioen zerbitzuak hobetzea, eskola-aldietara mugatuko ez dena, eta konexio horretan urte osorako zerbitzuak zabalduko dituena.
Rafaela Romerok zera azpimarratu nahi izan du: Mugikortasun Departamentuan erabiltzaileen mugikortasuna aztertzen duen garraio publikoko sistema bat garatu dugu urte hauetan, linea berriekin eta maiztasun-hobekuntzekin zerbitzuak diseinatzerakoan erabiltzaileen beharrak lehenesten dituena. Hala izan da, halaber, Lurraldebusen Oarsoaldea eta Bidasoa eskualdeetarako abian jartzen ditugun hobekuntza ugarietan – ibilbide berriak eta ordutegi eta maiztasun hobeak –, emakida berritzeko.
Diputatuak nabarmendu nahi izan du Mugikortasun Sailak ez diola egun bakar batean ere lan egiteari uzten, eta, horregatik, zerbitzu berri eta hobe horiek garraio publiko hobea eskainiko diete Donostia, Pasaia, Errenteria, Lezo, Oiartzun, Irun eta Hondarribiko erabiltzaileei. Azterketa-prozesu baten eta etengabe hobetzeko prozesu baten emaitza diren zerbitzu hobeak – eredu malguekin –. Prozesu horren bidez pixkanaka aldaketak sartzen dira. Gipuzkoako lehen hiru hirietako herritarrek, besteak beste: Donostia, Irun eta Errenteriakoek, konexio berriak eta hobeak izango dituzte, eta maiztasun handiagoa eskualde bakoitzeko linea erabilienetan. Herritarren premiari erantzuteko funtsezko printzipioan oinarrituta jardun behar da beti, eta inoiz ez alderantziz, kalitatea eskainiz, eta kutsagarriak ez diren energiekin.
Autobus-flota eraginkor eta berde batean integratutako emakida
Oarsoaldea Bidasoa da Lurraldebusen historiako lehen emakida, ibilgailu elektrikoak eta horietara egokitzeko instalazioak bere kotxetegietan sartzea aurreikusten duena. Hala ere, jarduera-ildo orokorra flotaren hibridazioa izango da, gaur egun 255 ibilgailu baitira, eta horietatik % 30 hibridoak dira, eta, Romerok azpimarratu duenez, kontzesioak irauten duen bitartean ibilgailu elektriko berriak sartzea da asmoa. Garraio publikoa da tresnarik onena klima-aldaketaren aurkako borrokan, eta nahi den tresna hori eraginkorra eta lehentasunezkoa izan dadin, kotxe pribatuaren aurrean, herritarraren beharraren ingurukoa izan behar du, eta inoiz ez alderantziz, kalitatea eskaini behar du eta energia ez-kutsakorrekin ibili behar du.
Erabiltzaileentzako eta Lurraldebuseko langileentzako arreta
Emakida horren aurrekontua 130 milioi euro ingurukoa izango da datozen 10 urteetarako, eta kostuen egituraren erdia baino gehiago langileentzako izango da, eta horien subrogazioa ahalik eta lan-baldintza onenetan bermatu da. Funtsezko gaia da Mugikortasuneko Foru Departamentuarentzat; izan ere, departamentu horretan, herritarrek garraio publikoaren arloan dituzten beharrizanez gain, garrantzi handia hartzen du Lurraldebuseko langileak zaintzeak. Rafaela Romerok adierazi duenez, garraio publikoak ondo funtziona dezan, langileek, soldata duinaz gain, erabiltzaileen errespetua ere jaso behar dute. Gure eginbeharra da enpresak eta langileak zaintzea eta alderdien arteko beharrezko akordio eta negoziazio kolektiboetan arreta berezia jartzea. Lehenago ez bagenekien ere, pandemia baten ondorioz ikasi dugu sektore horretako langileak funtsezko langileak direla, garraio publikoko zerbitzua bera bezala, zeina gizarte-politikarako eskubidea baita, eta, beraz, beharrezkoa da finantzaketari eustea eta defizita estaltzea, sistema etengabe hobetzen ari dadin.
9955