Larunbat honetan N-121-A errepidea zabalduko da Intxaurreta eta Gurutze arteko lotuneen artean

Gipuzkoako Foru Aldundiak jakitera eman duenez, datorren larunbat goizean N-121-A errepidea irekiko dute Intxaurreta eta Gurutze arteko lotuneen artean. Ia lau hila iraun duten lanen ostean, bi lotuneen artean dauden bi zubietako arazoak konpondu dira.
Alundako eta gurutzeko Zubieta egin diren lanekin taulak sendotu eta iragazgaiztu dira, eta zoladura eta dilatazio-junturak birjarri dira. Errepidea zabaldu aurretik, datozen egunetan egin beharreko azken lana, iragarri den eguraldi ona aprobetxatuz, zoladura pintatzea izango da.
 Hain zuzen ere, meteorologia izan da obra amaitzeko epean atzerapena eragin duena. Abenduko prezipitazio handien eta tenperatura baxuen ondorioz, atzeratu egin behar izan dituzte aglomeratuak zabaltzeko eta seinale horizontalak jartzeko lanak.
Larunbat goizaldetik aurrera, urtarrilaren 30tik aurrera, erabiltzaileek N-121-A errepidea erabili ahal izango dute luzera osoan.

N-634 Usurbil
Bestalde, N-634 errepidean, Usurbil parean, egonkortze-lanen ezpondan altuera handiko garbiketa-lanak egin behar direnez, errepidea erabat moztu beharko da Troiako elkargunetik Txiki Erdi auzoko elkarguneraino. Desbideratze alternatiboa Zubietako bidetik edo Troiako bidetik egingo da.
Errepidea erabat itxita egongo da 2021eko urtarrilaren 31n, igandean, 08:00etan, eta egun berean, 17:30ean, amaituko da. Afekzio horren ondoren, erreiaren mozketari eutsiko zaio, eta txandaka emango zaie bidea ibilgailuei.