Albisteak

Autolikidazioko eta errenta mekanizatuko edo aurrez aurreko arretako proposamenak 1,4 eguneko batez besteko epean itzuli dira.

Tokiko bederatzi enpresak Okendo plazan erakutsiko dituzte beren prozesu ekologikoak, etorkizun jasangarria ehunduz eta Gipuzkoako gizartean eta ekonomian eragina sortuz.

Joan den ikasturtean 105 hitzaldi eta tailer egin ziren; beraz, hezkuntza-jardueren kopurua % 27,6 igo da. Gainera, edizio honetan 65 udalek egin dituzte eskaerak, aurreko urtean baino 17 gehiagok, hau da, % 35,4 gehiagok. Goizane Álvarez Gazteriako diputatuak adierazi duenez, «Gazteria Departamentuaren prestakuntza ekimen honen helburua da hobetzea haur eta nerabeen bizi kalitatea eta aukerak, gurasoak hezkuntzako gaitasunetan trebatuta».

Deportivity programa Foru Aldundiko Kirol Departamentuaren, Gipuzkoako Futbol Federazioaren, Eusko Jaurlaritzaren eta Gesto Deportivoren artean lankidetzan landu da.

Mugikortasuneko, Turismoko eta Lurralde Antolaketako foru diputatuak, Azahara Domínguezek, eta Turismoko zuzendariak, Iñigo Garcíak, Londresko World Travel Market (WTM) azokan parte hartu dute, mundu mailako turismo azoka garrantzitsuenetako batean. Gipuzkoako foru ordezkariek harrera egin diete Industria, Merkataritza eta Turismoko ministro Héctor Gómezi eta Turismoko estatu-idazkari Rosana Morillori, Euskadiri eskainitako standean, non Gipuzkoari dagokion erakusmahai bat dagoen.

Gipuzkoako Lanbide Heziketako bederatzi ikastetxek jaso dute saria, birziklatutako materialekin eskultura berritzaileak sortuz praktika jasangarriak eta zirkularrak sustatzen egindako ekarpen nabarmenagatik.

Mahaia sukaldarien kolektiboarekin eta Basque Culinary Centerrekin lankidetzan, Jasangarritasun Departamentuak Afari Jasangarri eta Solidario bat antolatu du, Gipuzkoako sektore ekonomiko, instituzional eta sozialeko ehun ordezkari bildu dituena.

Isaac Palencia Gipuzkoako Foru Aldundiko Gazteriako zuzendaria kezkatuta azaldu da WhatsAppeko bi foro daudelako Donostiako ikastetxeetako milatik gora ikaslerekin eta eduki pornografikoa eta iruzkin iraingarriak partekatzen dituztenak. Egoeraren larritasunaren aurrean, sexu edukiko txatak salatu dituzten ikastetxeen eskura jarri ditu Aldundiaren baliabideak.

Aldundiak laguntzako erdi-mailako teknikarien lan poltsa irekirako deialdia egin du, 2023ko errenta kanpainarako bereziki.

Gure Lurra biltzarraren seigarren edizioak lehen sektorea hiri eremura hurbildu du, oreka berdea ardatz hartuta klima aldaketaren, elikadura jasangarriaren eta bizi ohitura osasungarrien aurrean.

Jasangarritasun Departamentuak eta Naturklimak 200.000 euro bideratuko dituzte Gipuzkoako Baterien Hub Zirkular berria merkaturatzeko.

Berdintasunerako Organoak eremu digitaleko indarkeria matxista prebenitzeko antolatu duen lanketa saio berezian hartu du parte Eider Mendoza diputatu nagusiak.

IKERLANetik dator, eta esperientzia profesional handia du sektorean; “MUBIL esku onenetan egongo da”, Ane Insausti Ekonomia Sustapen eta Proiektu Estrategikoetako diputatuak nabarmendu duenez.

Eguerdian, Goizane Álvarez UNRWAko ordezkariekin bildu da, Gazako zerrendaren egoera bertatik bertara ezagutzeko, eta jakinarazi diegu Gipuzkoak erantzun egingo diola Nazio Batuen errefuxiatu palestinarrentzako Agentziak egindako deialdiari, 100.000 euro bideratuko baititu Gazatarren elikadura-laguntza eta premiazko gaiak bermatzeko. Lankidetza Sailetik 2015etik darama Palestinan proiektuak bultzatzen, eta egungo egoeraren aurrean ezin da bizkarra eman biztanleria zibilari, Gazan egunero bizitzen ari den giza dramari. Beste behin ere, Gipuzkoa lurralde solidarioa dela adierazten du.

Gipuzkoako Foru Aldundiak eta Adinberrik antolatutako nazioarteko azoka eta biltzarrak Gipuzkoa mugarri egiten du Silver Economy eta zahartze osasungarriaren zerbitzura dagoen berrikuntzaren esparruan.

Super Amarak eta Txogitxuk aipamen berezia jaso dute "Azken minutua" programan emandako laguntzagatik.

GANTT estrategiaren barruan, milioi bat euroko laguntza-lerro berri bat ireki du, I+Gko zentroei eta enpresei zuzendua

Departamentuko helburu nagusia da egungo programak sendotzea, behar den neurrian eraldatzea eta zabaltzea, gizarteak planteatzen dizkigun erronka berriei erantzun ahal izateko. Berdintasunezko gizarte bat, iraunkorra, gizakiaren eta lurraldearen ikuspegitik kohesionatua eta aurrekoa eraikitzeko helburuarekin.

Eider Mendoza diputatu nagusiak azpimarratu du langileen parte-hartzea “lurraldeko ehun ekonomiko eta industrialaren indargune handi bat” dela eta, batez ere, “etorkizunerako balio bat”

Lurraldeko aitortza gorena eskainiko zaio CAFeko egungo presidenteari; gipuzkoar gizartearen baliorik onenak eta enpresa-sareak ongizateari eta gizarte kohesioari egiten dion "ezinbesteko" ekarpena ordezkatzen ditu

Eider Mendoza diputatu nagusiak zentro berriaren potentziala azpimarratu du, aukera emango baitu egungo espazioa laukoizteko eta punta-puntako bi laborategi berri jartzeko, mugikortasunean giltzarri diren osagaientzat

Bost urteko aurrerapenarekin gainditu da birziklatze % 55eko helburua, eta zero isurketa lortu da Gipuzkoako Ingurumen Guneko instalazioei esker.

Gaur onartutako deialdiari esker, erakundearen egonkortze eta belaunaldi erreleboan aurrera egiten jarraituko da, Irune Berasaluze Foru Aldundiko bozeramailearen arabera.

Finantziaziorako laguntza berriei esker, 13 udalerri txikik hobekuntza lanak egin ahal izan dituzte. 2024 urteari begira, herri txikietako eta landa eremuko bide azpiegiturak hobetzeko 615.000 euro bideratuko dira.

Foru erakundeak aurreko urtean baino 180,9 milioi euro gehiago bildu ditu.

Emakida berriak 196,5 milioiko aurrekontua du hamar urterako. Hiru linea berri eskainiko ditu, ibilbide batzuk zuzenduko ditu bikoiztasunak saihesteko eta biztanleriaren segmentu handiago batera iristeko, eta maiztasunak hobetuko ditu erabiltzaileen eskaerei erantzuteko.

Liburu dendetan literatura, musika eta zinea erosteko balioko dute; 2.700 euskarazko produktuetarako izango dira eta 6.000, beste hizkuntza batzuetako produktuetarako.

Azahara Domínguez buru duen departamentuak bat egin du Emakumeen aurkako Indarkeriaren Nazioarteko Egunaren harira Emakundek bultzatutako kanpainarekin. Asteazken honetatik aurrera, sentsibilizazio bideoak ematen ari dira bai autobusetan bai geltokietako paneletan.

Aurten, Jasangarritasun Departamentuak 3,5 milioi euro baino gehiago inbertitu ditu udalerrietan kultura energetiko sozial eta berde berri bat sortzeko.

Abenduaren 13an Tabakaleran egingo den jardunaldian, Gipuzkoa mailan egindako ikerketaren berri emango du Aldundiak, adituen eta eragileen eskutik

Gipuzkoako Harrera Familien XXI. Topaketak 200 familia eta profesional inguru bildu ditu. Harrera-familia babes-figura “finkatu” bat da Gipuzkoan

Maria Ubarretxena diputatuak Living Lab Gipuzkoaren azken aurrerapenak aurkeztu dizkio Europako Batzordeari, mugikortasunari eta garraioari buruzko Europako topaketa batean, Lovainan

Basa Animalien eta Landareen Zerbitzuak egindako jarraipenak espezie mehatxatu hori berreskuratu eta ugaltzen ari dela egiaztatu du

Etorkizuna Eraikizeko plenarioak 120 lagun elkartu ditu gaur Azpeitian, orain arteko ibilbideari buruzko gogoeta egin eta aurrera begirako oinarriak partekatzeko

Langile batek goizeko bederatzietatik gaueko bederatziak arte artatuko ditu Bizkaiko terminalean tiketa erosi nahi duten bezeroak

Mugikortasuneko, Turismoko eta Lurralde Antolaketako foru diputatua den Azahara Domínguez Oarsoaldean izan da, bertako erakargarritasun turistikoak eta horien inguruko beharrak ezagutzeko

Musakola eguneko zentroak hilabete batzuk daramatza martxan, eta Gipuzkoako eguneko 64 zentroen sarearekin bat egiten du, 1.872 plaza eskaintzen dituztenak lurraldeko 45 udalerritan.

Aurrerapenei adi egon da euskalduna historian zehar. Mendez mendeko ibilian arrastoa utzi dugu aurrerapenak eta euskara uztartuz, euskaldunon aurrerapenari eta euskararen biziraupenari eragiteko.

Kultura bonuak eskuragai

Gipuzkoako Foru Aldundiak eta Eusko Jaurlaritzak iragarri dute Zumarraga Zumaiarekin lotzeko 4,15 Kilometro berri egingo dituztela, Urolako Bide Berdea osatzeko.