Gobernantza
Departamentua
Gobernantza ona Foru Aldundiaren nortasun ikur gisa finkatzea da departamentuaren helburu nagusia, barnera zein kanpora begira. Hauexek ditu lan ildo nagusiak: Aldundiaren giza baliabideak eta baliabide teknikoak sustatzea, enplegu publikoaren aldeko apustua eginez eta belaunaldi erreleboa ahalbidetuz; herritarrei arreta eta zerbitzu modernoak, arinak eta eraginkorrak eskaintzea, desburokratizazioa, datuen irekiera eta sareko gobernantza sustatuz; Gipuzkoako herritarrekin zein eragile sozial eta ekonomikoekin etengabeko interakzioa bermatzea, politika publikoak diseinatzeko, gauzatzeko eta ebaluatzeko prozesuan, eta herritarren partaidetzarako kanal berriak zabaltzea; eta azkenik, Gipuzkoa munduko eszenatokian kokatzeko internazionalizazio estrategia garatzea, mugaz gaindiko lankidetza indartuz. Hori guztia modu transbertsalean egingo da, politika hauetako gehienek gainerako departamentuen aktuazioan dutelako eragina.
Aurrekontu partida
Gobernantza, 2024an , bere jardun estrategiko zein operatiborako, urteko aurrekontu hau izango du:
Aurrekontua
70.002.704,15 €
Exekutatua
% 77,78
Intereseko estekak
-
Egoitza elektronikoa
-
Gipuzkoako Lurralde Historikoko arau kodea
-
Enplegu publikoa
-
Gipuzkoako Aldizkari Ofiziala - GAO
-
Foru kontratazio zentrala
-
Argitalpen zentroa
-
Kontratazio Errekurtsoen Foru Auzitegia
-
Herritarren partaidetza
-
Gipuzkoako Herritarren Batzarra
-
Suhiltzaileak
-
Gardentasuneko Erreklamazioen Batzordea
-
Gipuzkoako Gobernu Irekiaren Behatokia
Irune Berasaluze
Gobernantza diputatua
Irune Berasaluze Lazkano naiz. 1968an Mendaron jaio eta han bizi naiz, ezkonduta nago eta bi seme alaba ditut. Zuzenbide Ikasketak burutu nituen Deustuko Unibertsitatean Bilbon eta abokatu bezala aritu nintzen. Herrigintzak beti erakarri nau, etxean asko bizi izan delako politika. Amamarekin izaten nituen solasaldi ugari, bere gazte garaian bizi izan zituenak kontatzen zizkidanean, gerra aurretik Emakume Abertzale Batzan ibili zenekoak edo gerra garaikoak. Abertzaletasuna barne barneraino sartuta zeukan emakumea izan nuen amama eta neurri handi batean berari esker jarraitu dut politikaren bide hau. Herriaren eta herritarren alde lan egiteko modu bat bezala ulertzen dut politika eta horrela nire herriko zinegotzi izan nintzen lehenengo eta Alkatea ondoren. Ordutik, hainbat kargu izan ditut erakunde politiko eta herri administrazioan.
Zuzendaritzak
Jon Aldazabal
Araubide Juridikoko zuzendaria
Zuzendaritza honek hainbat ardatz ditu; Aldundiaren jardueren legezkotasunaren barne kontrola, lege aholkularitza orokorra eta Gipuzkoako Foru Aldundiaren nahiz bere organoen defentsa epaitegietan. Halaber, Diputatuen Kontseiluko Idazkaritzak Batzar Nagusiekiko harremanak kudeatzen ditu.
Josu Agirre
Funtzio Publikoko zuzendaria
Zuzendaritza honek Foru Aldundiari zerbitzua ematen dioten pertsonen kudeaketa zuzena eta eraginkorra bermatzen du.
Zuzendaritzaren webguneak
Mikel Pagola
Gobernu Oneko eta Berrikuntza Politiko-sozialeko zuzendaria
Gure zeregin nagusia parte-hartzea sustatzea da, hiritarrek Foru Aldundiaren politiken sortzean eta kudeaketan zer esana izan dezaten.
Xabier Iridoy
Administrazioaren Berrikuntzako zuzendaria
Arlo honen xedea da kudeaketa eredu eta metodologia aurreratuen ezarpena bultzatzea Foru Aldundian, eta baita Komunikazio Teknologia berrien erabilera eraginkorra sustatzea ere.
Zuzendaritzaren webguneak
Departamentuko aktualitatea
2017/10/09
'Etorkizuna Eraikiz', Bidasoa Activak antolatutako lan saioan
Imanol Lasa diputatuak dinamika aurkeztu die enpresetako eta hezkuntza zentroetako 40 ordezkariri
2016/01/27
'Europar leihatila' abiarazi da, toki entitateei aholku emateko
Gaur aurkeztutako Europar Proiektuaren Bulegoaren bitartez, finantziazioa, sareetako parte-hartzea eta itunak sustatuko ditu europar esparruan
2016/05/01
'Humanismoa, Etika eta Zientzia Elkarrizketak' saioaren bederatzigarren edizioa
Andoni Luis Aduriz, chef ospetsua, Daniel Innerarity, filosofo eta idazlea, Kirmen Uribe eta Anjel Lertxundi idazleak eta Mª Carmen Gallastegui, ekonomilaria Mariasun Landarekin batera bilduko ditu.