Newsletter - GURE LURRA

GURE LURRA

GFA-ko LURRALDE OREKA BERDEA

EQUILIBRIO TERRITORIAL VERDE DE LA DFG

Aldizkari digitala | 63. alea: 2024ko ekainak 27

Berriak

GazteNek irteera Arabara

Gipuzkoako gazte nekazarien harreman-sendo bat sortzeko asmotan, Aldundiak Gipuzkoako gazte nekazarientzat irteera antolatu du Arabara.

Irteera uztailaren 11 eta 12an izango da eta, lehen sektoreko ustialeku eta proiektu arrakastatsuak ezagutuko dira.

Irteerako gastuak (garraioa, lo-lekua, otorduak, ustialekuetara bisitak…) Aldundiak bere gain hartuko ditu eta GazteNek-eko formakuntza ordu moduan hartuko dira.

Izen ematea oestomba@gipuzkoa.eus edo mireneceiza@gipuzkoa.eus helbideetara idatziz edota 943 11 20 54 telefonora deituz egin daiteke.

2024/06/27

Landa-lurzoruaren lursailak mugatzeko dirulaguntza plazaratu dugu

2024/06/20

Laguntza hauen xedea da Gipuzkoako udalerriko landa-inguruneko jabetzen mugak hobeto definitzen eta eguneratzen laguntzea, dauden mugak eta mugarriak identifikatuz eta horien kartografia digitala eginez.

Irakurri gehiago

Esloveniako gobernuaren bisita EIT-Climate KIC jardunaldien baitan

2023/06/19

EIT-Climate KIC jardunaldien baitan, Esloveniako gobernuak Gipuzkoa bisitatu du, bi lurraldeek elikadura jasangarriaren inguruan partekatzen dugun misioaren inguruan ezagutza partekatzeko.

Artzain Eskolak ardi eta ahuntzen sektorean artzainak prestatzeko hogeita zazpigarren ikastaroaren amaiera ospatu genuen

2023/06/18

Aurten 7 gaztek ardi- eta ahuntz-sektorean etorkizun profesionala garatzeko diplomatura lortu dute.

Zorionak guztioi!!

Herritarren Batzarra: hirugarren itzultze-saioa

2024/06/16

Gipuzkoako Foru Aldundiak bultzatzen duen Herritarren Batzarraren itzultze-saioa burutu genuen, eta herritarrek proposatutako bederatzi gomendioak ezartzeko aurrerapenak aurkeztu genituen.

Aldundiak eta Idiazabal Gazta Jatorri Deiturak Zeraingo kasua gaitzetsi dugu

2024/06/12

Xabier Arruti: “Horrelako egoerak erabat justifikaezinak dira, eta ez dute ordezkatzen gaztaren sektorearen errealitatea, ezta lehen sektorearena ere, oro har. Sektoreko erakunde, eragile eta elkarteak elkarrekin lanean ari gara lan-baldintza duinak eta bidezkoak bermatzeko, eta, beraz, ezin dugu horrelako egoerarik onartu, eta ezin dugu onartu egoera horiek Gipuzkoako gazta-, nekazaritza- eta abeltzaintza-jardueraren irudia zikintzea”.

Irakurri gehiago

Europa Natura 2000 Saria

2024/06/06

Euskaditik gidatutako LIFE Oreka Mendian proiektuak Europa Natura 2000 Saria jaso du Bruselan, mendiko habitaten kontserbazioagatik.

Albiste onak Txinguditik!

2024/06/04

Iaz (ekainean) Txingudin, zankaluzearen (Himantopus himantopus) lehen ugalketa egin zela egiaztatu zen. Zoritxarrez, errunaldia galdu egin zen udaberriko euriteek eta uraren mailaren gorakadak habia urez bete zutelako.

Hori aurreikusita, 2024. urtean 2 habia artifizial flotatzaile instalatzea erabaki da esperimentalki, ur-mailaren igoerak babesteko.

Txitak hazteko denboraldia aurreratuta dagoen arren, eta aurten inguru horretan zankaluzerik ez dagoen arren, seguruenik habiak hegaztiak bertan ugaltzeko erabiliko dituzte etorkizunean.

Espero dugu ahalegin hauek etorkizunean fruitua ematea!

Irakurri gehiago

Gipuzkoako Parke Naturalen Egunak ospatu ditugu

2024/06/01

Aiako Harrian, Aizkorri-Aratzen, Pagoetan eta Aralarren bost jarduera desberdin burutu genituen: abereen eta artaldeen funtzionamendua eta zaintza azaltzeko saioak, hegazti askatzea, palankarien erakustaldia, Et-Incarnatus-en musika eta gazta dastaketa.