Azken Albisteak
DANTZAN IKASI: "Donostiako dantzaeraren bilakaera" hitzaldia, Mikel Sarriegi Donostian urriaren 2an
Mikel Sarriegik "Gipuzkoako dantza-maisuen puntuak eta aldairak. Oinordetza ezkutua" liburua aurkeztuko du Donostian urriaren 2an. Lehendabizi, Gipuzkoa osoko dantza-maisuek gorde duten eta hain ezaguna ez den Iztuetaren oinordetza horren ezaugarri nagusienak aurkeztuko ditu. Ondoren, Gipuzkoako hiriburuko dantzaeran zentratuko da; joan den mendean Donostian 1950eko hamarkadatik aurrera ezagutu den dantza-sistema aurreko horren testuinguruan nola kokatzen den azalduko digu, hainbat egikera modu praktikoan ere erakutsiz.
KLASE IREKIAK: Igor Calonge irailean
Cielo Raso konpainiako zuzendari eta koreografoak berarekin aritu duen orori irekiko dizkio ateak. Ez da izenik eman behar, eta ez da beharrezkoa klase guztietara joatea.
AURRE-ESTREINALDIA: "Kintsugi", Emilie Camacho eta Dantzaz, Errenterian urriaren 24an
Urriaren 24an, 19:00etan, Niessen Auditorioan (Errenteria), DANTZAZen hurrengo programa osatuko duten lehen lanen aurrestreinaldia egingo da. " Kintsugi ", euroeskualdeko lau koreograforen sorkuntzak bilduko ditu eta lehen pieza hau Emilie Camachok koreografiatu du, Romain Serreren musikarekin. Orbainen edertasuna eta inperfekzioa ospatzen dituen japoniar teknika honetan oinarrituta, Camachok hauskortasuna eta eraldaketa ikertzen ditu Dantzazeko dantzariekin, arteak berak ahalmen indaberritzailea duela sinetsita. Lau sorkuntzetatik lehena izango da, non koreografo bakoitza "Kintsugi" ren eta memoria historikoaren ideia komunetik abiatuz, bere ikuspegi artistiko propioa garatuko du.