Menu nagusira joan Eduki nagusira joan

Dantzagunea

Gipuzkoako Dantzagunea

Dantzaren sorkuntza eta formazio prozesuak sustatzeko eta laguntzeko Gipuzkoako Foru Aldundiaren zerbitzua.

Gipuzkoako Dantzagunean mota guztietako dantzek dute lekua, eta dantzaren jardunean diharduten elkarte, konpainia eta eragileei laguntzeko zerbitzuak ematen dira: dantza-aretoak lagatzea, Gipuzkoako areto-sarearekin koordinatzea, etengabeko formazio-jarduerak, aholkularitza, eta dantzaren sustapena helburu duten deialdi eta diru-laguntzen berri ematea. Beste dantzarako gune eta antzeko zentroekin elkarlanean aritzen da Gipuzkoako Dantzagunea.

Gipuzkoako Dantzagunea 2009 urtean sortu zen Gipuzkoako Foru Aldundiaren eskutik eta Artelekun izan zuen lehen haztokia. 2014tik Errenteriako Niessen eraikinean dauka egoitza. Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideen gune eta erreferente nagusi izango zen dantza-etxe bat, Dantzagune bat, ezartzea.

Intereseko estekak

Egutegia
Aretoa eskatu
Deialdiak
Dokumentuak

Azken Albisteak

LABO XL6 jaialdia: azaroaren 14tik 17ra

Gipuzkoako Dantzaguneak jaialdiarekin elkarlan estuan segitzen du. Azaroaren 14an hiru sorkuntza-egaonalditan egindako lanak emango dira: Sortutakoak, Cruceiros Paraiso eta Iturri. Azaroaren 16an, Rui Pires sortzaile eta programatzailea Portugalgo hainbat jaialdiri buruz ariko da.

KLASE IREKIAK: Igor Calonge azaroan

Cielo Raso konpainiako zuzendari eta koreografoak berarekin aritu duen orori irekiko dizkio ateak. Ez da izenik eman behar, eta ez da beharrezkoa klase guztietara joatea.

TAILERRA DANTZAGUNEAN: "Flying Low e investigación del movimiento", Lucia Marote abenduaren 14an eta 15ean (Hik Dantza Landu)

Saioak Flying Low teknikan oinarrituta hasiko dira. Mugimendu patroi errazak landuko ditugu, abiadura eta norabide ezberdinetan arreta, presentzia eta energia jartzera eramango gaituztenak. Modu organikoan mugitzera eramango gaituzten egitura eta mekanikak ere ikasiko ditugu, potentziarekin gorputza zaintzea eta gozatzea baimenduz eta mugimendu-kate handiak eratzen dituzten espiraletan arreta berezia jarriz . Geroz eta gehiago erdiratzen naiz ikastaroetan gorputzaren entregan, ematean, eta horrek beste edozein teknika lantzerako unean lagundu gaitzan.

Albiste guztiak ikusi