ARTiK 2024: Jardunaldietan izena emateko epea zabalik

2023ko lehen edizioak izandako arrakastaren ondotik, ikerketa artistikorako ARTiK topeketak egingo ditugu berriz ere Eresbilen. Izena emateko epea irekita dago.

• Izen-ematea: dantzagunea@gipuzkoa.eus
• Egitaraua PDF formatuan

ARTiK Jardunaldiak

Maiatzaren 17a, 11:00-13:30, Eresbil:

Hitzaldiak eta proiektu-aurkezpenak

• Ponentzia: 
  • Isabel de Naverán
• Proiektuen aurkezpena: 
  • Nazario Diaz
• Irakurketen parte-hartzaileak: 
  • Ebi Soria
  • Myriam Perez Cazabon
  •  Iker Gómez
• Gidaria: Eneko Llorente

Maiatzaren 18a, 11:00-16:00, Gipuzkoako Dantzagunea:

Lan teoriko-praktikoa dantza-gelan.

• Proiektuen aurkezpena:
  • Maria Ibarretxe
  • Idoia Zabaleta
  • Elisa Arteta
• Gidaria: Eneko Llorente

Antolatzailea: Gipuzkoako Dantzagunea

Kolaboratzailea: Eresbil

Kuradoretza: Bertha Bermúdez (Dantzaz)

ARTiK —artisten ikerketa— eta artiko hitzen antzekotasunarekin jolasean, Gipuzkoako Dantzaguneak martxan jarri du ikerketa artistikoan oinarritutako formatu anitzeko topaketak egiteko proposamena, helburutzat hartuta Euskadiko artistek garatutako metodologiak, proposamenak eta, batez ere, ikerketa-proiektuak ulertzea. Alde horretatik, abentura berria izango da ARTiK 2024an.

2023ko maiatzean eta ekainean ARTiK topaketek izan zuten harrera onaren ondotik, zenbait gairen inguruan hausnartu dugu, eta gure lurraldean dantzako ikerketa artistikoak izan dezakeen eraginari buruzko hainbat ikuspegi uztartu ditugu. Ikerketa artistikoan ari diren artista, dauden dirulaguntza eta egonaldi, dokumentazio-gune, programatzaile eta ikerketan interesa duten pertsonek sortu dute dagoeneko ARTiK eratzen hasi den paisaiaren esplorazioari jarraipena emateko testuinguru aproposa.

Gipuzkoako Dantzaguneak Eresbilekin lankidetzan sortutako zikloa da ARTiK.

Paisaia hori izan daiteke, Cynthia Fleury filosofoak deskribatzen duen bezala, garai berriak azaleratzen diren irudimenaren gunea. Irudizko horietan kokatu eta haragitu nahi du ARTiKek. Diziplinen arteko elkarrizketa eta esperientziak partekatzeko denbora gehiagoren beharrak eskatzen du espazio intimoa eta zaindua sortzea, ikerkuntzan bizitako denbora luzatu eta galdera, truke eta iruditeria berriak proposatzen dituena.

Imajinatutako espazio berri hori ARTiK irakurketak dira, eta segidako bi egunetan egingo diren ARTiK topaketarekin osatuko dira. Lehenengo saioa azalpenezko proposamen teoriko batean oinarrituko da, eta bertan diziplina artistiko anitzeko ikerketa-metodologiak eta -proiektuak aurkeztuko dira. Bigarren saioa ikerketaren praktikara bideratuko da, eta lan-azterketan prozesuak, galderak eta ekintzak partekatzeko abagunea eskainiko du.

ARTiK irakurketak

ARTiK irakurketak 2024ko otsailetik apirilera egin zituzten Ebi Soria, Myriam Perez Cazabon eta Iker Gómez sortzaileek, Bertha Bermudezen gidaritzarekin, eta jardunaldietan plazaratuko dituzte egindako saioetako hausnarketak. 

ARTiK 2024 zikloaren barruan, ARTiK Irakurketak arte-ikerketak partekatzeko eta esploratzeko gunea dira. Ideiak espazio jakin batean irakurri, entzun, behatu eta elkartrukatzea ideian oinarritzen dira: Eresbileko dantza-liburutegian. Irakurketek truke-denbora luzatu nahi dute, arte-sorkuntza interpelatzen duten materialak eta gaiak partekatzeko aukera emanez.

2023ko lehen edizioaren laburpena: