GALA: Ertza konpainiak 20 urte ospatuko ditu, Donostian abenduaren 7an
Ertza konpainiak aurten 20 urte betetzen ditu eta hau ospatzeko gala bat antolatu dute. Bi hamarkadatan egindako pieza esanguratsuenen koreografiak emango ditu, eta konpainiak bidelagun izan dituen zenbait artista gonbidatu ariko dira oholtza gainean.
- 262
- Data: abenduaren 7a, larunbata
- Tokia: Victoria Eugenia antzokia, Donostia
- Ordua: 19:30
- Prezioak: 24 € / 18 € / 10 € sarrerak
Ertza konpainiak aurten 20 urte betetzen ditu eta hau ospatzeko gala bat antolatu dute: “Esfortzuz, lanez eta emozioz beteriko 20 urte. Bi hamarkada hauetan 23 ikuskizun sortu ditugu konpainiaren baitan eta horiekin, munduan zehar 22 herrialde bisitatu ditugu; eta urtea amaitzerako 680 emanaldi baino gehiago beteko ditugu guztira. Lehen urteak gogorrak izan baziren ere, zenbaki hauek ikustean poz handia hartzen dugu eta horregatik Ertzatik pasa diren dantzari gehientsuenak eta gure ikusle fidelak elkartu nahi ditugu festa handi batetan. Horretarako, 20 urte hauetan eginiko pieza esanguratsuenen koreografia bitxien aukeraketa bat egingo dugu, eta gure bidelagun izan diren hainbat artista gonbidatuko ditugu, hala nola: Harkaitz Cano edo Iñar Sastre.”
Informazioa: Donostia Kultura / Ertza