2022ko udazkenean Montrealgo Ecole de Danse Contemporainen dantza garaikideko sorkuntza-egonaldia

Etxepare Euskal Institutuak eta Quebeceko Conseil des Arts et des Lettresek (CALQ), Gipuzkoako Dantzagunearekin batera, Montreal hirian pieza koreografiko bat prestatzeko egonaldirako deialdia egiten dute. Egonaldia Dantzaz Nazioarteko Sorkuntza Koreografikoko Zentroa, Tabakalera Nazioarteko Kultura Garaikidearen Zentroa eta École de Danse Contemporaine de Montrealekin (EDCM) lankidetzan burutuko da. Egitasmo hau Quebec-Pays Basque programaren baitan egingo da, Quebec eta Euskadiko kultur eragile, sortzaile eta kultur industrietan hartu-emana sustatzea helburu duen egitasmoa.

1482

-ren irudia
2022ko udazkenean Montrealgo Ecole de Danse Contemporainen dantza garaikideko sorkuntza-egonaldia

Bi lurraldeetako erakundeen elkarlanaren barruan, Dantzaz eta Tabakalerak Quebeceko koreografo bat hartuko dute, eta koreografia-lana egingo du Tabakalerako eta Gipuzkoako Dantzaguneko instalazioetan dagoen bitartean.

Egonaldi-programa honek ondorengo helburuak ditu:
Artistak babestea eta sustatzea, sorkuntzarako ingurune egokia eta lanak ekoizteko eta zabaltzeko bitartekoak jarrita.
Kultur ingurune berri eta bizigarri baten bidez, koreografoen berritze artistikoa sustatzea.
Artisten arteko ikuspegien elkartrukea sortzea, eta lotura iraunkorrak sortzen laguntzea.
Euskal Herriko artisten lana eta ibilbidea nazioartean sustatzea.
Sorkuntza, ekoizpen eta hedapen artistikorako sare berriak garatzea.

1. Deialdiaren helburuak

Deialdi honen xedea da koreografo/koreografo bat hautatzea, egoitza artistikoa Montrealen (Quebec) egin dezan.

2. Egonaldi artistikoaren ezaugarriak eta datak

Lantokia: Ecole de Danse Contemporaine de Montreal
Dantzarien kopurua eta maila akademikoa: eskolako azken ikasturteko 15/20 ikasle
Datak: 2022ko udazkena, urritik abendura (hautatutako pertsonarekin zehaztuko dira datak)
Pieza koreografikoa egonaldi artistikoaren amaieran estreinatuko da.

3.- Diru-sariak

Etxepare Institutuak 4.000 euroko diru-laguntza emango dio hautatutako pertsonari. Zenbateko horretan sartzen dira bidaia gastuak eta dagokion asegurua.
Quebeceko Conseil des Arts et Lettres (CALQ) arduratuko da hautatutako pertsonaren egonaldiaz, egoitzak dirauen bitartean.
EDCM eskolak bere gain hartuko ditu proiektuaren ekoizpen-gastuak.
Gainera, EDCMk 4.500$ ordainduko dizkio pieza koreografikoaren egile-eskubideengatik hautatutako pertsonari.

4.- Eskatzaileek bete beharreko baldintzak

Deialdi honen aurretik gutxienez bi koreografia lan profesional egin dituzten dantza garaikideko koreografo/koreografoek eskatu ahal izango dute egoitza hau.
Euskal Autonomia Erkidegoan erroldatuta egotea. Salbuespen gisa, zabaldu nahi den lanaren edo lanaren komunikazio-hizkuntza euskara denean, errolda edo helbide soziala euskararen eremu geografikoan duten pertsona fisiko edo juridiko pribatuak ere aurkeztu ahal izango dira.
Azken hiru urteotan Gipuzkoako Dantzagunearekin lankidetzan aritu izana bere lan ildoetako batean.

5.- Eskaerak egiteko modua eta epea

Eskaerak 2022ko martxoaren 28ko 24:00ak baino lehen bidali behar dira dantzagunea@gipuzkoa.eus helbide elektronikora, honako informazio honekin, PDF formatuan eta euskaraz/gaztelaniaz eta frantsesez/ingelesez:

Curriculum vitaea eta argazkia.
Proiektuaren azalpen laburra, helburuak, lan metodologia eta kronograma barne.
Motibazio-gutuna.
Lehenago egindako lan koreografikoak erakusten dituzten ikus-entzunezkoetarako estekak.
Erreferentzia-gutunak (aukerakoa).

6.- Hautatzeko irizpideak

Hautapen batzorde batek baloratuko ditu eskaerak, honako irizpide hauen arabera: