SORTUTAKOAK SOZIALA 4

Proiektuak aurkezteko epea abenduaren 23 arte dago irekita.

Sortutakoak Gipuzkoan dantza-proiektu berriak sortzeko, garatzeko eta dibulgatzeko Gipuzkoako Dantzagunearen programa da. Bere baitan hartzen ditu, sorkuntza eta ikerketa koreografikora bideratutako diru-laguntzak eta egonaldiak. Sortzaileen lana sozializatzeko eta publiko orokorraren artean dantzaren gaineko sentsibilizazioa lantzeko, Sortutakoak programan Gipuzkoako Dantzaguneak dantzaren sentzibilizazioari eta dibulgazioari eskainitako atala dauka.

Dantzak badu osagai sozial garrantzitsu bat: dantzaren praktikatik hasi eta ikuslearen ikuspuntutik gozatzerainokoa. Dantza sozialeko proiektuak beharrezkoak direla uste dugu, garapen pertsonalean eta kolektibitatean laguntzen baitute. Mugimenduaren artearen bidez integratzen dira. Gizarte plurala bultzatzen dute, ezaugarri eta gaitasun desberdinak dituzten pertsonak baldintza eta aukera berdinetan bizi ahal izateko. Sortutakoak Sozialaren bidez, proiektuak bultzatu nahi dira auzoetan eta auzokideekin, ikastetxeetan, hainbat elkarte, kolektibo eta abarretan, artea ezinbestekoa baita gizarte guztietan.

DEIALDIA

Gipuzkoako Dantzaguneak Sortutakoak sentsibilizazioa programaren laugarren edizioaren deialdia iragartzen du.

OINARRIAK

1. Partaideak

Deialdian parte-har dezakete:

• Konpainia edo talde egonkorrek
• Banakako proiektuek
• Proiektu zehatz baterako berariaz sortutako taldeek

2. Proiektuak

Deialdi honetara 2021 urtean zehar dantza dibulgatzeko jarduerak jasotzen dituzten proiektuak aurkeztu behar dira. Ondorengo atalak zehatz azaldu behar dira:

• Proiektuaren helburu eta kontzeptu orokorrak
• Proposatutako jardueren deskribapena, helburuak eta iraupena
• Programa osoan eta jarduera bakoitzean landuko diren balioak
• Kronograma

Proiektuak baloratzeko irizpideen artean, proiektuek ondorengo lan-ildoak eta helburuak betetzea hartuko da kontuan:

• Hezkuntzaren eremuan dantza ezagutaraztea. Dantzak arte eta gizarte jarduera gisa duen balioa irakastea deialdiaren funtsezko helburuetako bat da. Jarduera artistikoa den neurrian, lehenetsiko da: sorkuntza-prozesuen eta koreografien oinarrizko klabeak lantzea; eta dantza, gizarte jarduera gisa, taldean egiten, ikusten eta kontsumitzen den aktibitatea dela erakustea.
• Ikuskizunetara publikoa erakartzea: dantzan emanaldiei lotutako publiko-komunitatea sortzeko jarduerak, ideiak, ekimenak, etab. lehentasuna izango dute proiektuak aukeratzeko orduan.
• Jarraitasuna: aurkeztutako proiektuen jarduerek epe luzera begirako jarraitasuna izatea garrantzitsutzat jotzen da. Proiektuei barne-kohesioa eta jarduerei proiektuarekiko koherentzia eskatzen zaie. Era berean, oso positibotzat hartuko da, deialdi honetatik areago, proiektuek etorkizunean lantzen segitzeko bokazioa izatea.
• Sormena: kreatibitatea dantzaren bidez garatzea bultzatuko duten jarduerak baloratuko dira proiektuetan. Arte-sorkuntzatik areago, dantzaren eta gorputz-mugimenduaren bidez, dantza sormen mota guztietarako tresna gisa erakustea .
• Dantza sozialeko proiektua garatzeko elkarte edo talde bati lotuta egotea.
• Proiektuak Gipuzkoan garatu beharko dira eta lurralde horretan bizi diren pertsonak izango dira hartzaileak.

3. Diru-laguntza

Sortutakoak Soziala deialdian dantza sustatzeko proiektu bat aukeratuko da, eta 3.500€ko diru-laguntza jasoko du.

4. Epeak

Proiektuak aurkezteko epea: 2020ko abenduaren 11tik 23ko 15:00etara.

Proietua PDF dokumentu bakar batean bidali behar da dantzagunea@gipuzkoa.eus helbidera. 

5. Komunikazioa

Proiektuaren egileak arduratuko dira proiektua ezagutarazteko beharrezko materiala emateaz, Gipuzkoako Dantzaguneak bere komunikazio-kanalen bidez ezagutzera eman dezan. Proiektuaren egileak arduratuko dira, baleude, proiektuan parte-hartuko duten adin txikikoen irudiak erabiltzeko baimen-orriak banatzeaz eta adin txikikoen arduradunen sinadurak jasotzeaz.

6.- Egonaldia egiteko aukera Gipuzkoako Dantzagunean

Proiektuko ezaugarriek hala eskatuko balute, Gipuzkoako Dantzaguneak Errenteriako Udalaren Niessen eraikinean dituen instalazioetan egonaldia egiteko aukera eta lehentasuna izango dituzte egileek. Balizko ordutegia eta egutegia Gipuzkoako Dantzaguneko kudeatzaileekin adostuko da.

7.- Prozesuaren dokumentazioa

Dantzaguneak, Eresbil Euskal Musikaren Artxiboarekin dantza dokumentatzeko eta ikertzeko materiala eta baliabideak sortzeko duen akordioaren arabera, Sortutakoak sentsibilizazioa 1 edizioko proiektu guztien kopia bat bidaliko du Eresbileko artxibora. Era berean, aukeratutako proiektuak eragindako dokumentazio-materiala ere bidaliko da.

Beren lanak Eresbila bidaltzea nahi ez duten proiektuen egileek beren proposamenean adierazi beharko dute hori. Horrek ez du eraginik izango epaimahaiaren erabakian.