Informazioa

Zer egiten dugu Gipuzkoako Dantzagunean?

Dantzaren alorrean dihardutenei laguntzea eta dantza-ekimenen sustapena babestea helburu duen baliabide-gunea da Gipuzkoako Dantzagunea.

Honako hauek dira Gipuzkoako Dantzagunearen lan-lerro nagusiak:

• Sorkuntza

Sorkuntza koreografikoa sustatzeko baliabideak helarazten dizkiegu sortzaileei, eta aretoak lagatzen dizkiegu.

Sortutakoak programaren bidez, sorkuntza-prozesuak babesten eta sustatzen ditugu, diruz laguntzearekin batera.  

• Aholkularitza

Bulego irekia zerbitzuarekin, dantza-proiektua aurrera eramateko laguntza ematen diegu egileei. Dantza-proiektuen kudeaketan, komunikazioan eta antolaketan baliozkoa duten aholkularitza zerbitzua eskaintzen diegu.

• Formazioa

Dantza-profesionaleei zuzendutako etengabeko formazio-programa osatzen dugu, dantza-sektoreko agente askorekin elkarlanean. Ezagutu Gipuzkoako Dantzaguneko formazio-jarduera.

• Komunikazioa eta hedapena

Gipuzkoako Dantzaguneko komunikazio-kanalen bidez, bertako jardunaren berri ematen diogu Gipuzkoako dantzako komunitateari. Dantza-ekimenak aurrera ateratzen dituzten dantza-profesional eta dantza-ekintzaileen lana ezagutzera eman eta dantza-proiektuei oihartzuna emateko laguntza eskaintzen dugu.

• Dokumentazioa 

Gipuzkoako Dantzagunean eta haren inguruan garatzen diren jarduerak dokumentatzen ditugu, eta dokumentaziorako baliabideak eskaintzen dizkiegu sortzaileei.  

Lekuen deskribapena

Honako baliabideak ditu Gipuzkoako Dantzaguneak:

• Dantzarako 4 areto 

Areto guztien zoruek egurrezko tarima flotatzailea dute.

Hainbat dantza-mota egin ahal izateko, bi estaldura mota dituzte aretoetako zoruek:

• Areto nagusia: 240 m2, linoliozko estaldura
• Areto ertaina: 160 m2,  linoliozko estaldura
• Areto txikia: 115 m2, egurrezko estaldura
• Erabilera anitzeko aretoa: 75 m2, egurrezko estaldura

Aretoetako ekipamendua:

• Musika-ekipoa (gailu elektronikoak konektatzeko mini-jack konexioa, eta cd-irakurgailuarekin)
• Ispiluak (estali ahal izateko estoreak)
• Aire girotua eta berogailua
• Barra mugikorrak daude eta piano bat  

Gipuzkoako Dantzaguneko aretoak erabiltzeko eskaera egin behar da, egingo den jardueraren azalpen labur batekin. Aurretik, aretoen egutegia begiratzea eskatzen da. 

• Aldagelak: komunak, dutxak, eta giltzatutako armairuak 
• Biltegia: materiala gordetzeko biltegia (biltegia erabiltzeko eskaera-orria bete)
• Sortzaileen txokoa: lanerako gunea 
• Bilera-gela: lan-bilerak egiteko 
• Bulegoa: Gipuzkoako Dantzaguneko kudeaketa, aholkularitza, koordinazio, eta komunikazio gunea. 
• Materiala: Gipuzkoako Dantzaguneak sortzaileen eskura ditu:
  • Argazki- eta bideo-kamera bat
  • Tripodea
  • Irudi-proiektorea
  • Monitore bat

*Materiala erabiltzeko, eskaera-orria  bete.