Dantzaren alorrean dihardutenei laguntzea eta dantza-ekimenen sustapena babestea helburu duen baliabide-gunea da Gipuzkoako Dantzagunea.
Honako hauek dira Gipuzkoako Dantzagunearen lan-lerro nagusiak:
Sorkuntza koreografikoa sustatzeko baliabideak helarazten dizkiegu sortzaileei, eta aretoak lagatzen dizkiegu.
Sortutakoak programaren bidez, sorkuntza-prozesuak babesten eta sustatzen ditugu, diruz laguntzearekin batera.
Bulego irekia zerbitzuarekin, dantza-proiektua aurrera eramateko laguntza ematen diegu egileei. Dantza-proiektuen kudeaketan, komunikazioan eta antolaketan baliozkoa duten aholkularitza zerbitzua eskaintzen diegu.
Dantza-profesionaleei zuzendutako etengabeko formazio-programa osatzen dugu, dantza-sektoreko agente askorekin elkarlanean. Ezagutu Gipuzkoako Dantzaguneko formazio-jarduera.
Gipuzkoako Dantzaguneko komunikazio-kanalen bidez, bertako jardunaren berri ematen diogu Gipuzkoako dantzako komunitateari. Dantza-ekimenak aurrera ateratzen dituzten dantza-profesional eta dantza-ekintzaileen lana ezagutzera eman eta dantza-proiektuei oihartzuna emateko laguntza eskaintzen dugu.
Gipuzkoako Dantzagunean eta haren inguruan garatzen diren jarduerak dokumentatzen ditugu, eta dokumentaziorako baliabideak eskaintzen dizkiegu sortzaileei.
Webgune honek cookie propio eta hirugarrenenak helburu teknikoarekin erabiltzen ditu nabigazioa baimentzeko, hurrengo sarbideak errazteko eta erabileren estatistikak egiteko. Ez ditu erabiltzaileen datu pertsonalak jasotzen ezta lagatzen.