Indarkeriaren giltzarriak

Arrisku-faktoreak

Arrisku-faktoreek indarkeria handitu eta haur edo nerabeen garapenari eragiteko probabilitatea areagotzen dute. Horrek ez du esan nahi indarkeria-egoerak gertatuko direnik. Arrisku-faktoreak bata bestearen gainean metatzen dira, eta bereziki familiarekin eta gizartearekin lotutakoek beste arrisku batzuk areagotzen dituzte. Hala ere, berez, ez dira erabakigarriak.

Arrisku-faktoreek elkarri eragiten diote lau mailatan, mikro eremutik makroraino:

Indibiduala: biktimen zein erasotzaileen faktore biologikoak eta historia.
Harreman primarioak: familia-testuingurua eta gertuko harreman sozialen beste ekosistema batzuk (lagunak).
Komunitarioa: mugitzen garen testuinguru sozial desberdinak (eskola, haurtxokoa, gaztelekua, ingurune birtuala…).
Estrukturala: gizarte-esparru orokorra, arau sozialak eta kulturalak.

Indarkeria-motak

Gure erakundeetan tratu onaren kultura sendotzeko, indarkeria guztiak identifikatu behar ditugu. Indarkeriaren inpaktua handiagoa edo txikiagoa izango da honako elementu hauen arabera:

Zer intentsitate duen.
Nork eragiten duen.
Noiz eragiten den: haurra edo nerabea eboluzioaren zer unetan dagoen.

Hori kontuan hartuta, haur eta nerabeen aurkako indarkeria mota eta azpimota desberdinak sailka daitezke eta guztiak hartu beharko ditugu kontuan.