Departamentua ezagutu

Departamentua

Zainketa eta Gizarte Politiketako departamentuak helburu du Gipuzkoako Foru Aldundiaren erantzukizun publikoari eustea. Hala, herritarren eskubideen bermean, pertsonen bizi kalitatearen hobekuntzan eta gizartearen kohesioan jarduten du, Gipuzkoako beste eragile batzuekin batera.

Gure lanak lau ildo nagusi ditu:

1. Mendekotasuna eta desgaitasunari arreta
2. Haur eta nerabeen babesa
3. Gizarteratzea bultzatzea
4. Indarkeria matxistaren biktimei zaintza egitea

Ildo guztietan BETI pertsona da ardatz, bai gure ekintzetan bai boluntariotzan, Gipuzkoan garrantzi handia duen horretan.

Gipuzkoako Foru Aldundiaren Kudeaketa Plan Estrategikoaren baitan, gure gizarte ongizate eta kohesio eredua sendotzea dago helburuen artean. Helburu hau lortzeko, gobernuaren apustu diren proiektu eta helburu estrategikoak. Leiho berrian irekiko da. planteatzen ditugu.

Jarduera esparruak eta funtzioak

1. Gizarte Zerbitzuen Euskal Sistemaren baitan bere gain dituen zerbitzuen plangintza.
2. Gizarte Zerbitzuen, eta abenduaren 5eko data duen, 12/2008 Legeko 22.2 artikuluan jasota dauden bigarren mailako zerbitzu sozialen hornidura.
3. Gaur egungo araudiak ezartzen dizkion arrisku larrian edota babesik gabe dauden adin txikiko pertsonen sostenguari dagozkion konpetentziak betetzea.
4. Hirugarren sektoreko gizarte ekintzaren sustapena.
5. Elkartegintza eta boluntariotzaren sustapena.
6. Pertsona erabiltzaileen eta profesionalen parte-hartzearen sustapena gizarte zerbitzuen kudeaketa eta ebaluazioan.
7. Gizarte zerbitzuak eskaintzeko mankomunitate eta gainerako udal erakundeen sustapena.
8. Lurraldeko prestazio eta zerbitzuen inguruko informazio gaurkotua eskaintzea.
9. Lurraldeko zerbitzu, zentro eta erakundeei eskumena eman eta homologatzea; eta zerbitzu, zentro eta erakunde horien ikuskaritza eta zigortzeko ahalmena izatea.
10. Gizarte Zerbitzuen Foru Erregistroaren arautzea eta mantenua.
11. Alor soziosanitarioan lankidetza eta kudeaketa.
12. Egungo araudiaren baitan dagozkion gainerako konpetentziak.