Menu nagusira joan Eduki nagusira joan

Hizkuntza berdintasuna

Hizkuntza Berdintasuneko Zuzendaritza Nagusiaren eginkizun nagusia da Gipuzkoako bi hizkuntza ofizialen berdintasuna sustatzeko helburuarekin, euskararen aldeko neurri bereziak hartzea eta berdintasuna aldeko konpromisoa indartzea gipuzkoar guztien artean.

Beste herri erakundeekin elkarlana sakonduz eta sendotuz, gure langintza bideratzen dugu euskara izan dadin Gipuzkoako Foru Aldundiaren zerbitzu eta lan hizkuntza.

Hizkuntza ofizialen erabilera arautzen duten xedapenak betearazteko zereginarekin batera, euskararen erabilera soziala indartzeko prozesuan herritarren parte hartzea bultzatu nahi dugu.

Azken Albisteak

‘Hizkuntzen Irabazia’ foroak 15 hizkuntza gutxitu bilduko ditu Donostian

Azaroaren 26 eta 27an Donostiako Kursaal Kongresu Jauregian egingo den ‘Hizkuntzen Irabazia. Benefits of language industry in the economy’ kongresua aurkeztu dute gaur Irune Berasaluzek, Gipuzkoako Foru Aldundiko bozeramailea; Lohitzune Txarolak, LANGUNE, Euskal Herriko hizkuntza industria elkarteko zuzendariak; eta Gösta Toftek, Union of European Nationalities (FUEN) elkarteko lehendakariordeak. Kongresua, LANGUNEk FUEN erakundearekin batera antolatu du.

Abadia Saria jaso du Ruper Ordorikak, euskarari eta euskal kulturari egindako “ekarpen jori eta agortezinagatik”

• “Bere musikaren eta ahotsaren bitartez, iturri anitzetatik edanez, euskal kantagintza eta hizkuntza muga berrietara zabaldu du Ruperrek”, aitortu du Gipuzkoako diputatu nagusiak, Eider Mendozak, sari emate ekitaldian • Euskalgintzako eta euskal kulturgintzako ordezkaritza zabala elkartu da gaur Tabakalerako prisma aretoan, musikari oñatiarraren ekarpena txalotu asmoz

Albiste guztiak ikusi