Abadia saria

Anton Abadia saria Gipuzkoako Foru Aldundiak sortua da 1996an, euskararen normalkuntzaren aldeko lanetan nabarmendutako pertsona edo elkarteen jarduna saritzeko.

Beste saririk bada euskararen inguruan, baina gehienetan alor berezietakoak dira edo jende adituentzat eginak.

Anton Abadia sariak esparru zabalagoa hartu nahi du: euskararen erabilera arnasberritu, gizarteratu eta hedatzeko pertsona edo elkarte oinezkoen jardunaren aitorpen izan nahi du. Sariak giza alorrean egindako ahalegin isila onestea bilatuko du, eta urte luzetako sustrai sakonez etorkizunerako eredugarri izan daitezkeen jokabideak sustatzea.

Gainera, Anton Abadiaren oroimena berrituz, sariak euskaltzaleen biltzar txiki bat ere izan nahi luke: urtero, euskalgintzan ari direnen harremanak sendotu eta gogoberritu nahi genituzke sari ematearen inguruan, giro hurbil, bero eta alaian.

Sarituak urtez urte

Ruper Ordorika - 2024	Garabide - 2022
Fagor Taldea - 2021	Pello Jauregi - 2020
Arantxa Urretabizkaia - 2019	Ahotsak.eus - 2018
Ibon Sarasola - 2017	Moriarti Produkzioak - 2016
Kike Amonarriz - 2015	Ixa Taldea - 2013
Mintzalagun Ekimena - 2011	Joxerra Garcia - 2009
Imanol Urbieta - 2007	Juanba Berasategi - 2006
Armiarma - Literaturaren Sarean - 2005	Tinko Euskara Elkartea - 2004
Elay Taldea - 2003	Juan Zelaia - 2002
Dionisio Amundarain - 2001	Ttakun Elkartea - 2000
Karmele Esnal - 1999	Antton Olariaga - 1998
Arrasate Euskaldun Dezagun - 1997	Arantzazuko Egutegia - 1996
	Anton Abadia 1810 - 1897