www.armiarma.com - 2005

Literaturaren zubitegia

Sarean idazleei buruz dagoen guztiarekin zubi da Literaturaren zubitegia aipamenak, estekak, efemerideak, kritikak, bibliografia...

Gune hau euskal idazleekin eta euskarara ekarritako idazleekin zubi da. Sarean eskura dagoen guztiarekin ere Zubi izan gura du: erreferentziazko aipamenak, testuen estekak, efemerideak, kritikak, bibliografia... Apurka-apurka osatuz joango den zubitegia.

Azken eguneratzea: 2005-09-19
Idazleak 721
Liburuak 3.429
Aipamenak 1.829
Estekak 2.985
Kritikak 2.616
Efemerideak 3.514

 

basquepoetry.com

Euskal poesiaren ataria: euskal poesia munduari erakusteko leihoa da basquepoetry.com.

Batez beste, milatik gora euskal olerki ditu alemanez, ingelesez, katalanez, frantsesez edo gazteleraz itzulita. Hizkuntza bakoitzean, mendearen arabera antolatuta, aurkibide alfabetikoaz eta bilatzaile batez.

Bertso eta olerkien hemeroteka

Julen Urkizaren «Euskal Bertso eta Olerkien Bibliografia»ren gainean garatutako ekimena da Bertso eta Olerkien hemeroteka. 

Bildutako materiala euskarazko, gaztelaniazko eta frantsesezko 450 aldizkaritan datorrena da, gutxi gorabehera. 46.000 titulu inguru bildu dira. Orain Interneten delarik, hemeroteka osatuz doa sarean bertan bildutako laguntzaileen bitartez.

Literatur aldizkarien gordailua

Ibiñagabeitia proiektua: 29 aldizkari eta 6.000tik gora artikulu digitalizatuta daude literatur aldizkarien gordailuan. 

Aldizkaria Garaia Zenbakiak Artikuluak Digitalizatuta
Gernika (1945-1953) 25 506 192
Egan (1948-....) 74 1.973 faksimileak
Euzko-Gogoa (1950-1959) 44 1.171 1.171
Olerti (1959-1995) 38 1.773 1.773
Igela (1962-1963) 6 85 85
Ustela (1975-1976) 3 52 52
Pott (1978-1980) 6 149 149
Oh! Euzkadi (1979-1983) 17 220 220
Susa (1980-1994) 30 665 665
Xaguxarra (1980-1981) 2 66 66
Idatz & Mintz (1981-2001) 27 351 0
Maiatz (1982-....) 35 1.351 0
Stultifera Navis (1982-1983) 2 27 26
Pamiela (1983-1993) 15 441 117
Txistu y Tamboliñ (1983-....) 7 182 182
Kandela (1983-1984) 2 30 30
Korrok (1984-1989) 12 287 287
Ttu-ttuá (1984-1985) 6 87 87
Txortan (1984-1985) 3 44 44
Porrot (1984-1990) 4 85 85
Plazara (1985-1992) 19 355 177
Literatur Gazeta (1985-1989) 11 144 144
Zintzhilik (1986-1994) 10 192 186
Enseiucarrean (1986-1999) 14 167 24
Mazantini (1991-1993) 4 39 39
Garziarena (1992-1994) 11 217 217
Zantzoa (1996-1998) 5 78 78
Vladimir (1997-2000) 14 96 96
Garziarena Berria (1997-1998) 5 114 114
Guztia   451 10.967 7.949

Kritiken hemeroteka

Egunkari-aldizkarietan, 1964tik hona euskal liburuei buruz kaleratu diren kritiken bilduma osoa da. Oso eguneratua dago; adibide gisa, 2005eko kritikak honez gero 200 bat dira.

Literatur emailuak

Literatur argitalpenak eta ekimenak iragartzeko asteroko albistegia, posta elektronikoz banatzen da, doan, aurrez harpidetza eginez gero. 2002ko urtarrilean hasi zenez geroztik, 197 ale argitaratu dituzte. Ale bakoitzean, literatur testu elektroniko berriren bat eskaintzen da, argitaratu berri diren liburuen aipamenak, euskal literaturari buruzko efemeride ugari eta agenda zabal bat.

Euskal lokuzioak sarean

Intza proiektua euskarazko lokuzioak ezagutzeko eta lantzeko aukera. Intza Proiektuaren abiapuntua eta oinarria Koldo Izagirreren bilduma (Euskal Lokuzioak, Hordago Argitaletxea, 1981) izan zen, baina osagarri garrantzitsuz hornitua. Euskal lokuzioen inguruko azterketa testu sakonez batera, bilaketa tresna indartsu bat dauka, baita gaztelerazko eta frantsesezko ordainak ere kasu askotan.

Zaldi Ero idazleekin

Euskal idazleen berrehun argazkiko erakusketa, Miel A. Elustondok aurkeztua. Etengabe eguneratzen dute. Esan daiteke euskal idazle aktibo guztiak ageri direla, batez ere belaunaldi gazteetakoak.

Informazio osagarria:

Mikel Elorzaren hitzak saria jaso ondoren