Enpresen Antolaketan eta Sormen Ekonomian doktorea (2015). Arte Ederretan lizentziaduna (1991) eta Ekonomia eta Enpresa Zientzietan lizentziaduna (1993). Ia 30 urte igaro dira lizentzia bikoitza egin zuenetik, eta ordutik hona ekonomiaren eta kulturaren artean beharrezkoa den elkarrizketa sustatzen aritu da. Arkitekturako goi mailako ikasketak ere baditu (Madrilgo Unibertsitate Politeknikoa, 1998-2010); eta baita Musika eta Pianoko Titulazioa ere (Ourenseko Kontserbatorio Ofiziala, 1975-1987).

Gaur egun, nabarmentzekoa da ekonomia sortzailean, hiri sortzaileetan eta garapen jasangarriaren arloko nazioarteko aholkulari eta hizlari gisa egiten duen lana. Karrerako funtzionarioa da eszedentzian, eta Enpresa Ekonomiako eta Enpresa Antolaketako irakasle elkartua da 2001etik Madrilgo Carlos III.a Unibertsitatean. Asociación España Creativa elkarteko presidentea eta bazkide sortzailea da. Red de Ciudades y Territorios Creativos de España izeneko sarearen zuzendari eta bazkide sortzaile ere bada. UNESCO Getafe-Madril zentroko bazkidea, ICOMOS Españako kidea; eta Fundación Deporte y Cultura Solidarios fundazioko idazkari nagusi da, orobat.

Kultura Ministerioak aitortu dituen egungo proiektuak nabarmentzen dira, hala nola, «El Camino Creativo de Santiago - XACOBEO21 Emprende!», ekintzaile sortzaileentzako bide espezifiko bat, Done Jakue Kontseiluaren 2021eko eta 2022ko Programazio Ofizialean jasota dagoena; edo Kultura Ministerioak 2019an Asociación España Creativa elkarteari proiektu honengatik emandako saria: - «VII Fórum de Ciudades y Territorios Creativos de España: Orihuela, un universo de poesía y luz entre el Mediterráneo e Iberoamérica». Espainiako ekintza eta sustapen kulturaleko bost proiektu onenen artekotzat jo zen, eta baita Espainiako hamar kultura-industria onenetakotzat ere.