GKo Gallery 2008an sortu zen Tolosan (Euskal Herrian), gaur egungo kale-artea sortu eta zabaltzeko gune gisa. Harrezkero, eskualde-erreferente gisa finkatu da, erakusketa- eskaintza zabala duelako, baita nazio eta nazioarte mailan kudeatutako hainbat proiektu ere. Ideia horrekin ekin diot nik, Garikoitz C. Muruak, proiektu honi, Camilo Rodríguez- Beltranen laguntzarekin, naiz eta ez baigenekin oso ondo zer norabide har lezakeen etorkizunean.

2011n, GKo Gallery Ch.ACO, Txile Arte Garaikide nazioarteko arte-azokan, hautatu zuten. (2020an URVANITY Art Fair-en parte hartu zuen ere Madrilen) Ondoren, Latinoamerikan lankidetzagune paralelo bat ezarri zen, zientzia, arte eta teknologiako sorkuntza, garapen eta esperimentazioaren artean, eragin handiko proiektuak sortzeko, Factoría GKo izenarekin. 2008ko krisiarekin, porrot egoeran ikusi zen proiektua, eta hori konpondu egin zen 2012an Kizkitza Lasa Aguirre zuzendaritza taldean sartu zelako, proiekzio proposamen berriak eta galeriaren formalizazioa markatzeko.

Lehen hamar urteetan, GKo Galleryk estatuko eta nazioarteko hainbat kale-artista aurkeztu ditu, eta Euskal Herrian ikus-kultura nabarmena sortu du, bai grafitiaren kulturarekin bai street art-ekin lotura estua duena. Beantatuz Kale Artearen Nazioarteko Jaialdia hasiera-hasieratik bultzatzea izan da eremu honetako lan aipagarrienetako bat. Jaialdi horretan, Euskal Herria gaur egungo kale-artearen kulturan kontuan hartu beharreko eskualde bihurtu duten nazioarteko artistekin elkartu eta lankidetzan aritu bai gara. Zuzendari artistikoa, proiektuen koordinatzailea eta erakusketen kuradorea naizen aldetik, hainbat herrialdetako artista eta sortzaileen mundua ezagutu eta partekatzeko balio izan dit. GKo-rekin garatzen dugun proiektu berri bakoitzean bizitzen ari garen aldaketaz ohartzen naiz.