Teknologia berriek sortzen dituzten aukerekin pozik dagoen enpresari bat da. 1995ean ikasketak amaitu ondoren, Arista sortu zuen, publizitate digitalaren lehen agentzia. Esperientziarik eta dirurik gabe, baina ilusio eta ahalegin handiarekin, estatuko komunikazio eta publizitate talde handiena bihurtu zuen kapital %100 nazionalarekin.

Lau egoitza Espainian zituen, eta beste hiru atzerrian. 2009an Arista utzi zuen Wetak abiarazteko, hau da, enpresa berritzaile bat, enpresa ertain eta handientzako ikaskuntza-ekintza eraginkorrak sortzen dituena, sormena, pedagogia eta teknologia integratuz jolas didaktikoak, ikastaroak, ikaskuntzako app-ak eta ikaskuntzako eta ezagutzako plataformak sortzeko.

Oscar donostiarra da, EHUko Informatikako ingeniaria. Executive Master bat eta Lehiakortasunerako MOC bat egin zituen Deustuko Unibertsitatean. Diziplina anitzeko profila du, komunikazioaren munduan eta enpresen sorkuntzan eta zuzendaritzan duen prestakuntzari eta esperientziari esker. Urte hauetan, talde ilusionatu eta motibatua lortzearen garrantzia ulertu du, bere ezagutzak partekatzeko eta batera hazteko gogoa duena, alegia, bestela ezinezkoa baita hain azkar eboluzionatzen duen mundu batean arrakasta izatea.

Etorkizunean, teknologia berriei lotuta jarraitu nahi du, ekonomian aldaketa handiak eragingo dituztela uste baitu, hala nola negozio eredu berriak, sektore berriak, harreman modu berriak… Eta hori guztia barrutik bizitzea gustatzen zaio.