"Kultura Digital@: erabilera ona eta sorkuntza" goiburuarekin, ekintza eta jardueren eskaintza zabala antolatu zen 2018an. Helburua zen Gipuzkoako haurrek, nerabeek eta gazteek gizarteari aurre egiteko gaitasun digitalak garatzea eta haien garapen kulturala eta soziala ahalbidetzea.
Ikasgela ibiltaria
Ikasgela ibiltaria (Irizarrek eskainitako autobusa) Gipuzkoako 5 udalerritan ibili zen 2018ko martxoan eta apirilean: Tolosan, Ordizian, Eibarren, Errenterian eta Arrasaten. Programazio-tailerrak, hitzaldiak, musika digitala, emanaldiak eta zenbait tailer eskaini ziren.
STEAM teknologia eta generoaren inguruan dauden estereotipoak aztertzeko tailerra; programatzen ikasteko saioak (6-8 urte artekoentzat); irudiekin programatzen hasteko saioak (9-10 eta 10-12 urteko haurrentzat); bideo-jokoak sortzeko tailerra eta diseinu eta programazioan hastapenak egiteko aukera; sare sozialaetan nortasun digitala era egokien sortzeko tailerra; storytelling tailerra; lan-bilaketa digitala nola egin (18-30 urte bitarteko gazteentzat); eta guraso eta profesionalentzako tailerrak: erotika 2.0 eta ziberbullyng-a prebenitzeko eta murrizteko programa.
Webgune honek cookie propio eta hirugarrenenak helburu teknikoarekin erabiltzen ditu nabigazioa baimentzeko, hurrengo sarbideak errazteko eta erabileren estatistikak egiteko. Ez ditu erabiltzaileen datu pertsonalak jasotzen ezta lagatzen.
