Aralar Parke Naturaleko patronatua ospatu dugu

2024/11/29

2024urtean natura parkean burutu diren ekintzen errepasoa egin dugu.

Mugikortasun autonomoko proiektu aitzindaria abiarazi du Gipuzkoak, herri txikietako garraio alternatibak eraldatzea helburu

2023/11/21

Gipuzkoako Foru Aldundiak LandaGO mugikortasun autonomoko eredu aurreratua garatzeko proiektua aurkeztu du Abaltzisketan. Ibilgailu jasangarria eta autonomoa izango da, proba pilotu fasean dagoena, eta datozen hilabeteetan ibiliko dena frogatuko den udalerrien artean. Helburu argia du egitasmo honek: Gipuzkoako landa inguruneko guneetako mugikortasuna eraldatzea, garraio publikoko sistemaren osagarri gisa, herri horietan bizi diren herritarren beharrak asetzeko.

Irakurri gehiago

"Erreferentzia bat zarete gizarte osoarentzat, komunitate arduratsu, orekatu eta berdinzale gisa aurrera egin dezagun"

2023/11/29

Eider Mendozak, Gipuzkoako diputatu nagusiak, harrera egin zien Gipuzkoako Foru Aldundian Laboral Kutxa-Euskadi Fundazioko txirrindulariei. Mendozak bizipenak eta ikuspegiak partekatu zituen Naia Amondarain, Alice Maria Arzuffi, Yuliia Biriukova, Idoia Eraso, Arianna Fidanza, Usoa Ostolaza, Ane Santesteban, Debora Silvestri, Alba Teruel, Laura Tomasi, Cristina Tonetti eta Eneritz Vadillo txirrindulariekin. Kirolariak hurrengo denboraldirako prestatzen ari dira, 2024a beren historiako emaitzarik onenekin amaitu ondoren. Ildo horretan, 2025ean espero dute talde eta egitura bezala beste urrats bat egitea eta azken urteetako hazkunde bidean jarraitzea, aurten Frantziako Tourrean eta Italiako Giroan debuta egin ondoren. Kirol helburua munduko 15 talde onenen artean sailkatzea eta 2026an WorldTeam izatea da.

Irakurri gehiago

Errezil sagar eguna Gabirian

2024/11/17

16 sagar-ekoizle, 11 menbrilo egile eta beste 10 bertako ekoizle bildu ziren herriko plazan. Juanito Elgarresta izan zen ezti lehiaketaren irabazlea, Xabier Arratibel Errezil Sagar lehiaketaren irabazlea eta Nekane Agirre Sagar Gozo lehiaketaren irabazlea.

Errezil Sagarra, Gipuzkoako barietate berezienetako bat da. Antzinatik izan da gure lurraldean ekoiztua eta urte askoan gure baserriko ekonomiaren oinarrietako bat izan da.

Kortariko Borda Euskal Herriko gazta eta esneki mota guztien irabazlea

2024/11/09

Kortariko Borda ekoizlearen Erreka gazta urdina izan zen Euskal Herriko gazta eta esneki mota guztien lehiaketaren irabazlea Esneki azokan. Guztira, 101 gazta eta jogurt aurkeztu ziren.

Lurralde Oreka Berdea Departamentuak 47,6 milioi euroko (+3,7M) aurrekontu propioa du aurten.

2024/11/08

Hauek dira sailaren jarduera nagusiak:

• Lehen sektoreko ekonomia indartzea.
• Natura-ingurunea babestea eta klima-aldaketaren aurre egitea.
• Herri txikiak eta landa-ingurunea biziberritzea.
• Ekimen berritzaileak eta belaunaldien arteko erreleboa bultzatzea.

Xabier Arruti: "Aurkeztutako aurrekontu-proiektua lehen sektorearekin, natura-ingurunearekin eta lurraldeko udalerri txikienekin lotutako eragileen eskaerak aktiboki entzutearen emaitza gisa diseinatu da".

Mendizaletasunari zuzendutako txokoa

2024/11/05

Mendietxe museoa mendizaletasunari eskainitako gunea da, Alex Txikon alpinistak eta Soraluze familiak sustatua
Eskaladako eta alpinismoko mundu mailako objektu historikoen bilduma handienetako bat topa daiteke bertan, hala nola, antzinako eski-ekipamenduak edota, espedizio ikonikoetako artikuluak.