Aurkezpena

Zerbitzua gaur egun

Gipuzkoako Foru Aldundiaren PSISZak baditu gaur egun eskualdeetako zortzi suhiltzaile etxe, segidako udalerri hauetan kokatuak: Azpeitia, Eibar, Irun, Legazpi, Oñati, Ordizia, Tolosa eta Zarautz, eta udalerri horietako zerbitzuetatik arduratzen dira urtean estaldura ematen zaien Gipuzkoako 83 udalerritan gertatzen diren 2.000 esku-hartze baino gehiagoz.

Donostia eta gertuko beste udalerri batzuk, Usurbil, Urnieta, Lasarte, Hernani, Pasaia eta Astigarraga, esaterako, Donostiako udal zerbitzuari dagokion Garberako suhiltzaile etxeko zerbitzutik estaltzen dira, 2001ean Gipuzkoako Foru Aldundiaren eta hiriburuko Udalaren artean izenpetutako hitzarmenaren ondorioz.

Gaur egun, udal zerbitzuak estaltzen duen biztanleriak baditu 250.000 biztanle (Gipuzkoako biztanleriaren %35a guztira) eta suhiltzaile etxeak estaltzen duen eremuak 175 km2 ditu (gutxi gorabehera Gipuzkoa osoaren azaleraren %9a). Zerbitzu honek bere baitan 118 pertsona biltzen ditu, zerbitzuaren beraren eremu desberdinetan banaturik.

Aldundiaren suhiltzaile zerbitzuak estaltzen duen biztanleria osoak 460.000 biztanle ditu (Gipuzkoako biztanleriaren % 65a guztira gutxi gorabehera) eta hainbat suhiltzaile etxeren estaldura eremua 1.734 km2-tara iristen da (Gipuzkoako azalera osoaren %91a inguru delarik gutxi gorabehera).

Aldundiaren zerbitzua, 242 pertsonek osaturikoa, berau osatzen duten hainbat eremutan banaturik aurkitzen da, horietatik 227 pertsona direlarik zerbitzu operatiboan parte hartzen dutenak.