Parte hartu! ptp-goierri-lpp@gipuzkoa.eus

2009ko LPP ezagutu

 

 

 

Goierriko Eremu Funtzionala horrela osatua dago: 22 udalerri (Altzaga, Arama, Ataun, Beasain, Ezkio-Itsaso, Gaintza, Gabiria, Idiazabal, Itsasondo, Lazkao, Legazpi, Legorreta, Mutiloa, Olaberria, Ordizia, Ormaiztegi, Segura, Urretxu, Zaldibia, Zegama, Zerain eta Zumarraga), eta, horiez gain, Gipuzkoako eta Arabako Partzoneria Orokorrari, Gipuzkoako Partzoneria Txikiari eta Enirio Aralarri dagozkien lurraldeak.

Eremu funtzional horrek 2009an behin betiko onetsitako lurralde-plan partzial bat dauka eta, orain, lurralde- eta ingurumen-jasangarritasuneko irizpide berritu batzuen arabera berrikustea proposatzen da.

Testuinguru horretan, planak Goierriko biztanleen beharrei irtenbidea aurkitu behar die, eta memoria eta ingurunea ezagutuz eta aintzat hartuz egin behar du hori, gizarte-oreka bilatuta eta, halaber, askotariko gaiei erantzun egokia bilatuta, hala nola klima-aldaketari, erronka demografikoari, energia-trantsizioari edo ekonomia zirkularrari.

Gainera, planak egungo gizarteak eskatzen dituen ikuspegiak integratu beharko ditu, besteak beste, osasuna, irisgarritasuna, generoa, mugikortasun jasangarria, paisaia, hiri berroneratzea, lurzorua baliabide mugatu gisa balioestea, parte-hartzea eta gobernantza ona.

Egin beharreko lana proiektu kolektibo bat da, hausnarketa, bateratze, zabalkunde, parte-hartze eta erabakitze prozesu jarraitu baten emaitza. Prozesu horretan eskualdeko sentsibilitate desberdinei eta eskualdeko lurralde- eta hiri-egoera konplexuari erreparatu behar zaie. Planaren behin betiko proposamenek, behar besteko adostasuna izateaz gain, interes publikoarekiko mendekotasunaren printzipioa bete behar dute, eta, era berean, duten bideragarritasuna justifikatu, eta eraginkortasunez kudeatzeko eta egikaritzeko beharrezkoak diren neurriak proposatu.

Foru Agindua, 2023ko ekainaren 19koa, Mugikortasuneko eta Lurralde Antolaketako foru diputatuarena, Beasain-Zumarragako (Goierri) Eremu Funtzionalaren Lurralde Plan Partziala (LPP) berrikusteko prozedurari hasiera ematen diona. Plan horri 2009ko irailaren 29ko 534/2009 Dekretuaren bidez eman zitzaion behin betiko onespena, 4/1990 Legeak, maiatzaren 31koak, Euskal Autonomia Erkidegoko Lurralde Antolamenduari buruzkoak, 13. artikuluan xedatzen duenarekin bat etorriz. (2023ko ekainaren 11ko Gipuzkoako Aldizkari Ofiziala, 134. zk)

https://egoitza.gipuzkoa.eus/gao-bog/euskera/gao/2023/07/11/e2305092.htm

Aurrerapen dokumentuaren jendaurreko erakustaldiaren amaiera: 2025.01.31